عالم النت وعالم المنتديات؟؟؟؟ الي اين؟؟؟

[مزركشه]

بقر وجن وعالم وهممممممي:saint: :egg:



تصدقون بذكر لكم كمن موقف صارووو انا عندي اختي معلمه المهم تخبرون الواحد صيام ودوام والاخلاق ماش مهنا كالزود وعندي اخت اذا طنقرت بعدووو عنه


المهم تقول دخلت علي فصل وقلت لهم الولو من وين يستخرج قامت بنت قالت من البحر

قالت طيب ندري من البحر من وين بالظبط من افم ديك من افم تيس من وين بالظبط؟؟


خووووش مربيه اجيال:)


طيب شفتوووو امس ميس في برنامج ياهلااا شفتو كيف ملحهااا يوم انه لبست الطرحه قسم
مملوحه سبحان الله يازين الحشمه تحلي مع انه حجاب بس تغير شكله للاحسن

الله يسترناااا ويستر بنات المسلمين دنيا واخره


المهم




يالله انا موضوعي ساخن نزلته بالمواضيع الساخنه :33:


ادري تتسألون وشي بقر الجن هي شي مثل بقرنا بس تختلف شي بسيط
عيونها صغيره وجايه بالطول ولونها مائي وما تأكل علف تأكل اوادم <<تسوي مقدمة :dev:




سويت بحث لمنتديات وووووش طلع لي هواااااااايل :a_shock2:

باخذكم بجولة بسيطة على بعض المنتديات وقسم مدري وش يبون من دنيا النت بالضبط:33:



عالم المنتدياااااات:ridinghorse:


اول شي عدد الصفحات وعدد الزوار في الموضوع::::heeeelllllooooo:



عدد الردود (1-2-3 صفحات)


الصراحه انوه مهوب مقياس للتميز ابد

الآ مقياس ان بوه هوشه ولا نقاش حاد جوى الموضوع...

يعني انا لاشفت موضوع يزيد باليوم ثلاث صفحات مرتن وحده

ابداْ كل مادخلت وشفته جلست اتفل عليه واقرى عليهم

غدي بليس يطلع من بينهوم

الصراحه انا اكره المواضيع الي به هو شات...


في احدى المنتديات :nono:
لكني مره دخلة عليهوم ومير انزل موضوع عشان يرحبون بي...

ومير يتهاوشون بموضوع الترحيب حقي

؟؟؟؟؟ صرت زي مسعود المقرود حلقه طاااش حقت امس 




طبيعة الردود:a_man2:



1_ يجكوم الموضوع بوادي والردوود بوادي .....وأحيان مستحيل تجي الردود مؤيده حتا لو المووضووع تووب

2_واحيان يعتمد على أول رد ان كانه شين تصير اغلب الردود .على نفس النمط ..وخاصه لاصارو ناس همه تزيد المشاركات ومافيها شي اسمه شخصيه أو كرزما<<==متعوبه عليه ذي:

3_لي باك .... يعني وش اسوي ... اقعد احتريتس.. افرضي انتس قريتي الموضوع ولا جاز لتس :

وش ترجعين تقولين ..

افرضي انتس نسيتي ترجعين

افرضي ان الموضوع جاز لتس ولا لقيتي لة رد مناسب وهذي تصير دايم القى مواضيع رهيبة بس ما ارد مهوب عشانها ماتستاهل

لان من زينها ما ودتس تردين رد عادي

افرضي ان تلفونكم انقطع ماسددتوا وشلون بترجعين << تقيس على عمرها:


4_ تتعبين على الموضوع ..ويجي احد يقولي ياكثر بربرتس ...بس بقلبي بقول الي مهتوي بيقرى الموضوع والي ماوده ...بيجلس يعذرب بالموضوع الا باتسر..

لكن اني اكتب و انطلق في الحتسي ثمن يقول لي بربرتس واجدة شينة ولا؟؟


5_ ردود معارضة لكاتب الموضوع فقط... ...

يعني ... وصراحة هذا شي مؤسف .. يعني مهوب معناته ماتحبين اللي تكتب تنشبين في حلدزها

لان احيانا يكون الموضوع حلو وفكرتة حلوة

وأذا شافو كاتب منزل موضوع .... وهوم حاقدين ... بدو يشغلون هاليوزرات الانتحاريه

ويهاجمون ويتبلون ويطلعون برى الموضوع<<==أسألوا بي ماين عن هالانتحاريين:pcguru:





عدد الزوار:a_welcome:



قمّت الاحباط لاشفت موضوعي الدخول قرب يصك الخمسين والردود صفر

بس اذا كان الموضوع ...لي.. تلقون نص عدد الدخول انا كل شوي أدخل اشوف فلانه وش ردت :

لا المصيبه اصير بوسط الموضووع وكل دقيقه ونص دقيقه اسوي تحديث

بشوف احد رد ولا لسا:firedevil:




الشلل..:
:greddy2:
أحس اني بحاله نفسي الحين

فيه بعض الناس اذا اكتبو موضوع احس انه واجب علي ارد...

حتى لو مالي دخل بالموضوع ...بس احب اسجل حضوري بموضوعه. ..

بس ياكره الشلل الي يدخلوون مناقر وملاعن وهوشااات ومسوين فزعات وكلن داخل عاضن ثوبه وناسفن شماغه على كتفه ومطيرن فناخيره:

والبنات...شايلتن كعبه ورافعه حاجب ومنزله حاجب ...وناويتن تجخر راس احد بالكعب الي بيده:

تحلفون احد ذابحن له احد من اهله والسالفه كله فزعه وخرابيط وعالم وهمي:ds021:




مواضيع ترررررررررفع ضغطي ....؟؟:eek4wd:


1_المواضيع المكرره

2_مواضيع الفضايح

3_هل ترضى لأختك وزوجتك أنـ..............تشيش.. تلبس كعب .. ترقص بالعرس ..تسووق..تبلتث ..تحج..تروح لأم الجيران...

البنات قليلات ادب البنات طويلات لسان ... البنات يلعبن ببطاقات سوى ...:

العبايات الي كنهن فساتين

البنات دبيات ومافيه ولا وحده جميله ولا رشيقه..والركب السوود<<=-=-=يعني فكو العبايه ورونا اننكن حلوات

وهلم جره<==ركزو بالكلمه تكفون



4_مواضيع خالف تعرف<=-=-=يحسون انهوم قويين راعين هالمواضيع احس ان عندهوم عقده مدري وش تبي الظاهر اسمه لفت الانتباه :

5_مواضيع جديه وياويلتس سواد ليلتس تجين تنكتين بموضوعه يكفر بتس ويلعن خامستس ..

:willy: :willy: :willy:














طيب وش رايكم نترك عالم التميز لأهله ...وعندي لكم كم سالفه ....عن المنتديات.....




منتدي رقم 1


هالمنتدى روعه ابتل وانا اقول روعه <<منسطله
قعدت ساعه على ما فتح لدرجة اني لعنت الاتصالات والنت احسبه منهم ما دريت ان البلا بثقل صفحتهم
صايرتن تقل ثوب عرس ما به خرزتن مهيب به
وموب بس ذا الي مثقله لاااااااااع عندهم شريط اهداءات يقال يهدون لبعض ومدري وشو
قعدت اقرا الشريط والا عندهم وحده قررت تترك المنتدى مدري طفشت او ملت او بلاها
من ثقل صفحتهم
شوفوا وش تقول:
بترك المنتدى غصب عني واتمنى ما تنسوني
وكلهم جايين الي يقول : جاك مني شي؟
والي يقول: لا تتركينا
والي تقول خلونا نسوي مظاهرة عشان ما تتركنا <<كانت بتبلغ عنها
وتجي هي ترد: لا تلزمون علي تراني لزقة
ووحده تقول اذا تركتي المنتدى تراني بتركه <<هجرة جماعيه
بغيت اسجل معهم واقول بترك المنتدى بشوف وش يسوون <<بيبيعون المنتدى اقساط ميسره

نسيت اقول لكم اني قعدت اتابع الشريط ونسيت وش انا جايتن له اصلن للمنتدى :Animation 6:




وش رايكم ماقلتلكم عالم بقر وخرفان وجن وعالم وهمي:06:


ملحوظه

نعتذر عن عدم تلوين الموضوع يعني ماله داعي نخسر بعض والسبة اللون:jester:



فتكم بعفيه:silly:

[مزركشه]

الي حد الان المشاهدات 5 والردود 0 :sad_2:

[msh*msh]

سلاااااااااام
زركش والله انتي اللي مسويه هجرة وين شردتي عن منتدى الضحك والوناسه تجين للمواضيع الساخنه ؟؟
الواحد مايمديه يقرا الموضوع من الحر يختي ما عندهم تكييف ولا وش السالفه <<< فلم هندي خخخخ

موضوعك حلو ياحلوة وانا يصير لي مو قف منهم انه من كثر حلاوة الموضوع وروعته ماالقى كلام يناسبه والله فشله لاني مااعرف اخترع كلام بالفصحى ومادري وشو خخخخ اقول كلمتين واطلع

ولا تلونين الموضوع هو حلو بالوان ومن غير الواااااان
وفتك بعافيه ياحبيبتشي لولولولولي << عشت الدور مو مني من حارة العوانس خخخخخ

[مزركشه]

ووووة بس يلومني فيتس يامشمش وربي انتي صديقتي بسوي حزب الثلاثي الارهابي

ملاك:AR15firing: مشمش:AR15firing: مزركشه:AR15firing:


مو ملاحظه اسمائنا بحرف الميم:)


الاتحاد قوووة والله العظيم:aargh4:



انتي الي بردتي قلبي وردتي بكتب بس عشانتس والله:mf_wink:

[سلاف]

مزركشة موضوعك حلو
ومافيه كلام أقدر أقوله إلا أن كلامك صحيح هذا حال بعض المنتديات
وثقل الصفحة والله جبتيها أنا هنا أعاني أحيانآ من دخول المنتدى يكون معلق
بالصعوبة أقدر أدخلة وكنت أظن أن المشكلة من الأتصال عندي بالأخير تطلع من هنا..

عمومآ يعطيك ألف عافيه
وننتظر جديدك

[ألـــوووئـه]

يسلمووووووووووووو على الموضوع

[مزركشه]

هلا والله بالبنات مشكورات والله اسعدني تواجدكم المميز في موضوعي:ds015:


قسم له 3 ايام منزل بس يالله بردوتو خاطري الله يبرد خواطركم انشالله:fruits_cherry: